Gözəllik bəzən sonsuz ola bilər. Bu, Taylandın ilk Kainat Gözəli olan Apasra üçün də belədir. Apasranı görənlər onun 76 yaşında olduğuna inanmaqda çətinlik çəkirlər.
Lent.az xarici KİV-ə istinadən xəbər verir ki, Apasra Honqsakula Taylandın ilk “Kainat gözəli” qalibi olmaq şərəfinə malikdir.
1965-ci ildə “Kainat gözəli” seçilən Apasranın qələbəsi Taylandı böyük sevinc və qürurla dolduran əlamətdar hadisə idi. 76 yaşlı Apasra Hongsakula çox gənc görünüşə malikdir. Onun əbədi gözəlliyi və parlaq dərisi yaşına meydan oxuyur. Çoxlarını onun qocalığındakı cazibəsinə heyran qoyur. Nəvəsi ilə çəkdirdiyi fotoda insanlar “Nənə olmaq üçün çox gənc görünür” şərhini veriblər.
Apasranın meneceri onun bahalı cavanlaşma müalicələri alması ilə bağlı dolaşan söz-söhbətlərə son qoyub və həmin xəbərləri təkzib edib. Onun sözlərinə görə, Apasranın etdiyi yeganə dəyişiklik saç düzümündə dalğalıdan düzə keçməsi olub ki, bu da onun görünüşünü xeyli dəyişib. O, həmçinin izah edib ki, Apasranın yaşına ziddiyyət təşkil edən gözəllik sirləri onun sağlam pəhriz, müntəzəm məşq və dərisini qorumaq üçün çoxlu günəşdən qoruyucu vasitələrdən ibarət özünə qulluq rutininə əsaslanır.
