İnkişaf uğrunda mübarizə aparan Afrika xalqları müxtəlif problemlərlə üzləşirlər.
"Report" xəbər verir ki, bunu Keniya təmsilçisi Kristin Kandie Bakıda keçirilən Ümumdünya Şəhərsalma Forumunun 13-cü sessiyası (WUF13) çərcivəsində təşkil edilmiş Yerli Xalqların Hüquqları üzrə Dəyirmi Masada deyib.
O qeyd edib ki, Afrikada insanların əksəriyyətinin əsas problemi yaşayış yeri ilə bağlıdır:
"Biz kifayət qədər əziyyət çəkmişik. Hələ məskunlaşmamışdan əvvəl belə, iqlim dəyişikliyinin reallıqlarını bilirdik. Bu vəziyyət azalan resurslar, şəxsi maraqlar uğrunda yaranan real münaqişə səviyyəsinə çatıb. Çünki siyasətlər bizim reallıqlarımıza uyğun gəlmir. Siyasətlərə baxanda görürsünüz ki, onlar bizi gücləndirmək əvəzinə, zəiflədir. Nəticədə Afrika xalqları olaraq bizim kollektiv səsimizi eşitdirməyimiz çox çətinləşir. Afrikada məcburi köçkünlük, çoxlu münaqişələr var, çətin şərait, məktəbə gedə bilməyən uşaqlar, yoxsulluq var. İnsan hüquqları və inkişaf uğrunda mübarizə apararkən bizi sıxan daha bir çox problemlə üz-üzəyik".
Mənbə: report.az