Türkiyə Prezidenti Rəcəb Tayyib Ərdoğan Şimali Kiprlə imzalanmış 2026-cı il üzrə iqtisadi və maliyyə yardımı haqqında anlaşmanı təsdiqləyib.
"Report" xəbər verir ki, bu barədə qərar "Resmi Gazete"də yayımlanıb.
Qərara əsasən, Türkiyə Şimali Kiprə 20 milyard 700 milyon lirə (təxminən 453 milyon 194 min dollar) maliyyə yardımı ayırıb. Bu yardımın böyük hissəsi müdafiə və infrastruktur sahələri üçün nəzərdə tutulub.
Anlaşmaya görə, Şimali Kiprə 2 milyard 300 milyon lirə (təxminən 50 milyon 355 min dollar) kredit də veriləcək.
İki ölkə arasında sözügedən anlaşma aprelin 10-da imzalanıb.
Qeyd edək ki, 2025-ci ildə Türkiyə Şimali Kiprə 19 milyard lirə maliyyə yardımı etmişdi.
Mənbə: report.az