Yazda immunitetlə bağlı problemlər yaşaya bilərik. Çoxları yorğunluq, görünüşün pisləşməsi və soyuqdəymələrə qarşı həssaslıq yaşayır.
Lent.az xarici KİV-ə istinadən xəbər verir ki, bu səbəblərə görə, immunitet sisteminizi gücləndirmək üzərində aktiv işləməyə dəyər.
Çöldə daha çox vaxt keçirmək
Hava getdikcə daha xoş olur və isinir. Gəzintidən vaz keçmək üçün heç bir səbəb yoxdur. Oksigen sağlamlığa əla təsir göstərir. Ümumiyyətlə, gün ərzində çoxlu piyada gəzsəniz, özünüzü daha yaxşı hiss etməyə başlayacaqsınız.
Bitki mənşəli infuziyalar
Bir çox insanlar bəzi dərman bitkilərinin kimyəvi tərkibinin inanılmaz dərəcədə zəngin olduğunu unudurlar. Bu vitamin və mineralların əla mənbəyidir. Ödotu, çobanyastığı, nanə, kalendula, kəklikotu, lavanda və digər bitki tərkibli dərmanlara diqqət yetirməyə dəyər.
Düzgün qidalanma
Tədricən yağlı qidalardan imtina edin, yüngül və sağlam qidalara üstünlük verin. Göyərtilər yeyin, təzə tərəvəz və meyvələri unutmayın.