Kensington kilidi portunu ən çox biznes noutbuklarında və ofis texnikasında görmək olar. Bir çox noutbukun yan panelinə diqqətlə baxdıqda kiçik bir düzbucaqlı açıq yer görmək mümkündür. Bu, USB və ya HDMI olaraq işarələnməyib, buna görə də çox vaxt suallar doğurur.
Lent.az xarici mediaya istinadən xəbər verir ki, əslində bu, Kensington Lock Slot (həmçinin K-Slot və ya Kensington təhlükəsizlik slotu olaraq da bilinir) – oğurluğa qarşı kilid qoşulması üçün olan portdur.
Bu port ən çox biznes noutbuklarında, korporativ texnikada, monitorlarda və hətta bəzi sistem bloklarında rast gəlinir. Ultra-incə modellərdə isə kompaktlıq üçün adətən bu portdan imtina edilir. İşləmə prinsipi sadədir: metal kabel və kilid portu daxil edilir, digər ucu isə sabit bir obyektə, məsələn, masanın ayağına və ya stendə bükülür. Bu sistem mütləq qoruma təmin etməsə də, "qapıb qaçmaq" prinsipinə əsaslanaraq sürətli oğurluq riskini əhəmiyyətli dərəcədə azaldır.
Əgər tez-tez cihazınızı ictimai yerlərdə (kitabxanalarda, kafelərdə, ofislərdə) nəzarətsiz qoyursunuzsa, Kensington slotunun və uyğun kilidin olması, sürətli oğurluq riskini azalda bilər və bir çox istifadəçi üçün bu, proqram təminatlı məlumat qorunmasına əlavə bir təhlükəsizlik təbəqəsidir.
Beləliklə, əgər bu portun köhnəlmiş bir giriş və ya texnoloji "qalıq" olduğunu düşünürdünüzsə – xeyr. Bu, hələ də cihazı fiziki qorumaq üçün sadə, amma aktuallığını itirməyən bir üsuldur. Əvvəllər mütəxəssislər, smartfonu təmizləmək üçün sadə bir təlimat hazırlamışdılar – ekranda silməkdən tutmuş, portlara və kiçik detalların qayğısına qədər.
K-Slot Kensington təhlükəsizlik slotu Kensington kilidi portu