Niyə evdə dəfnə yarpağı yandırmalısınız? Yalnız pul üçün deyil

6 0

Dəfnə yarpağı yalnız yeməklərə dad qatmaq üçün istifadə olunmur. Xalq inanclarına görə, yandırılmış dəfnə yarpağının qoxusu evdəki atmosferə müsbət təsir göstərir və müxtəlif hallarda fayda verə bilər. Bildirilir ki, bu ədviyyatın tüstüsü sakitlik yaradır, insanlar arasında anlaşmanı asanlaşdırır və mübahisələrin sayını azalda bilər. Çin inanclarında isə tüstülənən dəfnə yarpağının evə xoş xəbərlər cəlb etdiyinə inanılır.

Lent.az xarici mediaya istinaən bildirir ki, bununla yanaşı, dəfnə yarpağının yandırılmasının daha praktik səbəbləri də var.

Dəfnə yarpağı yandırmağın səbəbləri

Otağın ətirləndirilməsi üçün – dəfnə yarpağının qoxusu xoşagəlməz iyiləri neytrallaşdıra bilir.

Stresi azaltmaq üçün – təxminən 10–15 dəqiqə ərzində qoxu sakitləşdirici təsir göstərir, rahatlamağa və əhvalın yaxşılaşmasına kömək edir.

Yüngül ağrıları azaltmaq üçün – bəzi hallarda dəfnə qoxusunun baş ağrısını və yüngül narahatlığı azaltdığı müşahidə olunub.

Həşəratları uzaqlaşdırmaq üçün – qarışqalar, tarakanlar, ağcaqanadlar və digər həşəratlar dəfnə yarpağının qoxusuna dözümsüzdür.

Xalq arasında yayılan digər inanclara görə isə dəfnə yarpağı sehrli xüsusiyyətlərə malikdir, arzuların gerçəkləşməsinə və maddi bolluğun cəlb olunmasına kömək edə bilər. Bunun üçün müəyyən rituallar yerinə yetirilir.

Arzu üçün dəfnə yarpağını necə yandırmaq olar?

Mümkünsə iri və səliqəli bir dəfnə yarpağı götürün. Yarpağın üzərinə qısa şəkildə arzunuzu yazın (məsələn, yaxşı iş istəyirəm). Metal, keramika və ya odda davamlı qab hazırlayın və yarpağı onun üzərində ehtiyatla yandırın. Yarpaq tüstülənərkən diqqətinizi arzunuza yönəldin və onun artıq reallaşdığını təsəvvür edin. Yarpaq tam yandıqdan sonra külünü toplayın və çöldə, yaxud pəncərədən səpələyin.

Pul və bolluq üçün ritual

Bir neçə quru dəfnə yarpağını odda davamlı qaba qoyub yandırın. Qabı götürərək evdə giriş qapısından başlayın, otaqları dolaşın, xüsusilə künclərə və astanaya diqqət yetirin. Bu zaman düşüncələrinizi maddi sabitlik və bolluq üzərində cəmləyin. Sonda evi yaxşıca havalandırın. 

İnanclara görə, bu ritualı ayda bir dəfədən çox etməmək və daha çox artan Ay fazasında həyata keçirmək tövsiyə olunur.

dəfnə yarpağı