Şəmkirdə bazarda baş verən yanğın söndürülüb.
Fövqəladə Hallar Nazirliyindən Lent.az-a verilən xəbərə görə, Şəmkir şəhəri, 20 yanvar küçəsində yerləşən bazar ərazisində baş vermiş yanğını nazirliyin Dövlət Yanğından Mühafizə Xidmətinin qüvvələri söndürüb.
Yanğınsöndürənlərin həyata keçirdikləri operativ tədbirlər sayəsində yanğın genişlənməsinə, o cümlədən bazar ərazisində bitişik obyektlərə keçərək böyük sahəyə yayılmasına imkan verilmədən qısa müddətdə söndürülüb.
***
17:55
Şəmkirdə yanğın hadisəsi baş verib.
Lent.az-ın APA-ya istinadən məlumatına görə, hadisə Şəmkir şəhərinin 20 Yanvar küçəsində yerləşən bazar ərazisində qeydə alınıb.
Dərhal hadisə yerinə FHN-nin Dövlət Yanğından Mühafizə Xidmətinin yanğından mühafizə bölmələri cəlb olunub.
