ABŞ İrana hərbi müdaxilə edərsə, Türkiyə tərəflərlə danışıqlar aparmağa səy göstərəcək.
"Report" xəbər verir ki, bunu Türkiyənin xarici işlər naziri Hakan Fidan iranlı həmkarı Abbas Əraqçi ilə İstanbulda keçirdiyi bigə mətbuat konfransında deyib.
Onun sözlərinə görə, Türkiyə İranla bağlı problemin həlli üçün danışıqların tərəfdarıdır:
"Biz ortaq qərara gəlməyin tərəfdarıyıq. Çünki müharibə iqtisadi cəhətdən çöküş, yoxsulluq deməkdir. Müharibə heç vaxt həll yolu deyil. Mən bu məsələdə müsbət istiqamətdə yol qət edəcəyimizə inanıram".