İtaliya təmsilçisi "Milan" belçikalı yarımmüdafiəçi Aleksis Salemakerslə müqavilənin müddətini uzadıb.
"Report" xəbər verir ki, bu barədə klubun mətbuat xidməti məlumat yayıb.
Tərəflər 2031-ci ilin iyun ayına qədər sözləşmə imzalayıblar. Futbolçunun əvvəlki müqaviləsinin vaxtı 2027-ci ildə bitəcəkdi.
Qeyd edək ki, 26 yaşlı futbolçu 2020-ci ildən "Milan"da çıxış edir. O, cari mövsüm komandasının heyətində 18 oyunda iki qol vurub və dörd məhsuldar ötürmə edib.