Yeni HUAWEI MatePad SE 11” planşeti bütün ailə üçün yaradılmış üslub və funksionallığın mükəmməl birləşməsidir. Yığcam, yüngül və məhsuldardır. Hər nəsildən istifadəçiyə asanlıq və rahatlıq təmin edərək həm ev, həm də səyahət üçün mükəmməl seçim təqdim edir.
Yeni MatePad SE 11" in əsas üstünlüklərindən biri, qalınlığı cəmi 6,9 mm və çəkisi 475 qram olan bütöv metal korpusunun olmasıdır. Bu göstəricilərə görə planşet asanlıqla ələ yerləşir və xüsusilə də müasir, dinamik gündəlik həyatda vacib olan sürətli işi ilə fərqlənir.
Planşet 1920x1200 ölçülü yüksək piksel keyfiyyəti ilə parlaq və aydın bir görüntü təmin edən 11 düymlük FHD+ ekranla təchiz olunub. Bu ekran 16,7 milyon rəng və sRGB rəng məkanının 100% əhatə dairəsini dəstəkləyir, video və fotolara baxmağı əsl zövq halına gətirir. Əhəmiyyətli xüsusiyyətlərdən biri də, istifadəçilərin görmə qabiliyyətini qorumaq məqsədilə mavi işıq səviyyəsini aşağı salaraq göz yorğunluğunu minimuma endirməsidir. Bu xüsusiyyət əsasən uşaqlar və yaşlılar üçün vacibdir.
MatePad SE 11” şarj olmadan uzun müddət işləyə bilən 7700 mA*s həcmli güclü batareya ilə təchiz olunub. 22,5 Vatt sürətli şarj funksiyası ilə birlikdə istifadəçilər cihazın istənilən vaxt, hətta aktiv rejimdən sonra istifadəyə hazır olacağına əmin ola bilərlər. Bu planşetdə 1080p formatlı HD videolar 10 saat izlənə bilər. Gözləmə rejimində isə, cihaz 21 gündən çox qala bilər.
Planşet eyni zamanda məhsuldarlığı artırmaq üçün hazırlanmış zəngin intellektual xüsusiyyətlərlə fərqlənir. Belə funksiyalardan biri eyni vaxtda bir neçə proqramla işləməyə, eləcə də digər HUAWEI cihazları ilə qarşılıqlı əlaqəyə imkan verən "Multiskrin" rejimidir. Bu, planşeti iş və təhsil üçün əla bir vasitə halına gətirir, xüsusən də uzaqdan iş və distant təhsil şəraitində.
Uşaqlı ailələr üçün planşet, təhlükəsiz və öyrədici tətbiqetmələrini, eləcə də istifadə müddətinə nəzarət xüsusiyyətlərini özündə cəmləşdirən xüsusi "uşaq rejimi" təklif edir. Bu, valideynlərə cihazdan istifadə edərkən uşaqlarının təhlükəsizliyinə əmin olmağa imkan verir.
HUAWEI MatePad SE 11” planşeti, multimedia əyləncələri zamanı yüksək keyfiyyətli səs müşayiəti axtaranlar üçün mükəmməl bir cihazdır. HUAWEI Histen 9.0 texnologiyasını dəstəkləyən dörd güclü dinamik ilə istifadəçilər film seyr edərkən, musiqi dinləyərkən və ya video konfrans keçirilərkən dolğun və aydın səsdən zövq ala bilərlər.
Məlumatların saxlanması baxımından planşet 128 GB daxili yaddaşa malikdir və əlavə yaddaş kartı ilə həcmi daha da genişləndirilə bilər. Bu da bütün lazımi fayllar, tətbiqlər və multimedia məzmunu üçün kifayət qədər yer təmin edir.
Operativ yaddaşa gəldikdə, HUAWEI MatePad SE 11" iki model təklif edir: 4 GB və 8 GB operativ yaddaş. Operativ yaddaşın böyük həcmdə olması müxtəlif tətbiqlərə və tapşırıqlara səlis və sürətli keçidi təmin edir, çox sayda tapşırıqla daha səmərəli işləməyə imkan verir.
HUAWEI MatePad SE 11” təkcə müasir dizaynı, qabaqcıl texnologiyası və yüksək məhsuldarlığı ilə təəccübləndirmir. O, həm də münasib qiyməti ilə cəlb edir. Və buna görə də keyfiyyəti, funksionallığı və istifadə rahatlığını dəyərləndirən geniş istifadəçi kütləsi üçün əla seçimdir.
Bizim WhatsApp kanalımıza abunə olun