TikTok-un Çində yerləşən ana şirkəti "ByteDance"in Sinqapur ofisində böyük qida zəhərlənməsi qalmaqalı yaşanıb.
Lent.az xarici mətbuata istinadən xəbər verir ki, Çərşənbə axşamı baş verən hadisədə 60 nəfərin qastroenterit əlamətləri ilə xəstəxanaya yerləşdirildiyi və onlardan 57-sinin müalicə olunduğu bildirilir.
"ByteDance"in Sinqapurdakı ofisində baş verən qida zəhərlənməsi hadisəsində 60 işçidə qastroenterit əlamətləri müşahidə olunub. Həmin əməkdaşlardan 57 nəfəri xəstəxanaya yerləşdirilərək müalicə altına alınıb. Hadisə ilə bağlı hadisə yerinə 17 təcili tibbi yardım avtomobili göndərilib. "ByteDance", ofislərində yemək hazırlamaq üçün üçüncü tərəf qida xidməti təminatçılarından istifadə edildiyini bildirib. Şirkət rəsmiləri, bu vəziyyətin səbəbinin araşdırıldığını və zərərçəkmiş işçilərə dəstək verildiyini açıqlayıb.
Sinqapur Qida Agentliyi (SFA) və Səhiyyə Nazirliyi hadisədən sonra açıqlama verib və qida təhlükəsizliyi standartlarına riayət etməyin vacibliyini vurğulayıb. SFA, qida təhlükəsizliyi pozuntularına görə lazımi sanksiyaların tətbiq ediləcəyini bildirib. Qida zəhərlənməsi hadisəsinə görə TikTok və ByteDance-ın məsuliyyəti ilə bağlı bu açıqlamalar, şirkətlərin qida xidməti təminatçılarına daha çox nəzarət etməli olduğunu ortaya qoyur. Bəzi mənbələrə görə, bu, bilərəkdən hücum məqsədilə edilib və haqqlarını ala bilməyən işçilər tərəfindən törədilib.