Əddis-Əbəbənin insan yönümlü şəhər dönüşümü Efiopiyanın digər şəhərlərinə nümunə olacaq.
"Report" xəbər verir ki, bunu Efiopiya Şəhərlər Proqramının rəhbəri, Şəhərsalma və İnfrastruktur Nazirliyinin Siyasət şöbəsinin direktoru Yared Teşome Qeneti Ümumdünya Şəhərsalma Forumu ( WUF13) çəçivəsində keçirilən" Siyasətdən Təcrübəyə: Əddis-Əbəbənin İnsan Yönümlü Şəhər Dönüşümü Səyahəti" adlı tədbirdə deyib.
Y. Qeneti bildirib ki, paytaxtın keçdiyi bu inkişaf yolunun lokal deyil, ümumi dövlət əhəmiyyətli bir prosesdir: "Əddis-Əbəbədəki bu dəyişiklik Efiopiyanın digər 76 şəhəri üçün bir nümunə xarakteri daşıyır. Yəni bu, yalnız Əddis-Əbəbə mərkəzli bir diqqət nöqtəsi olaraq qalmayacaq, bütün Efiopiyanı əhatə edir. Ölkənin bütün 76 şəhər və qəsəbəsi bu insan mərkəzli infrastrukturu inkişaf etdirir. Beləliklə, əvvəlki 8 il ərzində biz urbanizasiya ideologiyasına, kəndlərin inkişafına və şəhər inkişafı üçün uyğun olmayan bəzi ideoloji məsələlərə baxırdıq. Lakin yeni islahat inkişafına, yəni indiki inkişaf mərhələsinə gəldikdə isə, hər şey perspektivdən – urbanizasiya, şəhər və şəhərsalma perspektivinin dəyişdirilməsindən başlayır".
O, urbanizasiya prosesinə baxış bucağının köklü surətdə dəyişdiyini qeyd edib: "Əvvəllər urbanizasiyaya torpaqların zəbt edilməsi, əhalinin həddindən artıq sıxlığı kimi bir təhlükə olaraq baxılırdı: urbanizasiya ilə bağlı bir çox səbəblər gətirilirdi. Lakin biz bu düşüncəni imkanlar perspektivinə doğru dəyişdik. Urbanizasiya, əgər onu düzgün idarə etsək, bir imkandır. Söhbət liderlikdən, planlaşdırma və proqramlaşdırmadan, həmçinin strategiyadan gedir. Beləliklə, şəhər mərkəzlərimiz aparıcı iqtisadi qüvvəyə çevrilir, iqtisadi platforma yaradır. Əvvəllər isə onlar kənd transformasiyasının tabeliyində idilər. Hətta bizim siyasətimizdə də deyilirdi ki, Efiopiyanın şəhər və qəsəbələri kənd transformasiyasının sadəcə ikinci dərəcəli bir elementi kimi kənarda qalıb".
Mənbə: report.az