Bu gün Bakı Ağır Cinayətlər Məhkəməsində hakim Səbuhi Hüseynovun sədrliyi ilə əmlakın leqallaşdırılmasında təqsirləndirilən Rusiya Federasiyası vətəndaşları - İgor Zabolotskikh və İlnur Valıtovun cinayət işi üzrə hökm oxunub. Lent .az xəbər verir ki, hökmə əsasən İ. Zabolotskikh və İ. Valıtovun ayrılıqda 3 il müddətinə azadlıqdan məhrum edilməsi elan olunub. Dövlət ittihamçısı hər iki təqsirləndirilənin 4 il müddətinə azadlıqdan məhrum edilməsini istəmişdi. Qeyd edək ki, onlar qumar oyunlarından cinayət yolu ilə əldə edilmiş 98 min manat pulun leqallaşdırılmasında təqsirləndirilirlər. Onlara qarşı AR Cinayət Məcəlləsinin 193-1.3.2 - ci maddəsi üzrə cinayət işi açılıb.
Hadisələr