Gəncə şəhəri, Ş.İ.Xətai prospektində yerləşən avtomobil təmiri sexində yanğın baş verib.
Lent.az xəbər verir ki, bu barədə Fövqəladə Hallar Nazirliyindən məlumat verilib.
Məsələ ilə bağlı dərhal əraziyə FHN-in Dövlət Yanğından Mühafizə Xidməti Gəncə şəhər Yanğından Mühafizə İdarəsinin qüvvələri cəlb olunub.
Hadisə yerində əməliyyat şəraiti qiymətləndirilərkən yanğının 17 boksdan ibarət ümumi sahəsi 2500m² olan avtomobil təmiri sexində baş verdiyi və yayılma riskinin yüksək olduğu müəyyən edilib.
Yanğınsöndürənlərin çevik müdaxiləsi sayəsində sexdə baş vermiş yanğın genişlənməsinə, o cümlədən ətraf ərazilərə yayılmasına imkan verilmədən qısa müddətdə söndürülüb.
Yanğın nəticəsində təmir sexinin 5 boksunun yanar konstruksiyaları ümumilikdə 220m² sahədə və içərisində təmirə dayanmış "OPEL ASTRA" markalı minik avtomobili yanıb.
FHN-in qüvvələrinin həyata keçirdiyi təxirəsalınmaz tədbirlər nəticəsində 12 boks, təmirə dayanmış 5 ədəd minik avtomobili, hər birinin həcmi 200 litr olan 3 ədəd yağ çəlləyi və hər birinin həcmi 15 litr olan 6 ədəd oksigen balonu yanğından mühafizə olunub.
Hadisə nəticəsində xəsarət alan olmayıb.
*** 23:19
Xəbər verdiyimiz kimi, Gəncədə avtomobil təmiri sexində baş verən yanğın söndürülüb.
Lent.az APA-ya istinadən xəbər verir ki, 2500 kv/m ərazisi olan avtomobil təmiri sexinin 220 kv metr dəmir konstruksiyadan ibarət 5 sex yanıb.
Yanğın zamanı 5 sexin təmir avadanlıqları və "Opel" markalı avtomobil yararsız vəziyyətə düşüb.
*** 22:50 Gəncədə avtomobil təmiri sexində baş verən yanğın söndürülüb.
Lent.az APA-ya istinadən xəbər verir ki, yanğın zamanı bir neçə sex və bir avtomobil yanıb.
*** 22:25
Gəncədə yanğın hadisəsi baş verib.
Lent.az APA-ya istinadən xəbər verir ki, hadisə şəhərin Şah İsmayıl Xətai prospektində qeydə alınıb.
Həmin ünvanda yerləşən avtomobil təmiri sexində anidən yanğın baş verib.
Dərhal əraziyə hadisə yerinə FHN-nin yanğınsöndürənləri cəlb olunub.
Mənbə: lent.az