Aprel ayı səyahət üçün ən ideal dövrlərdən biri hesab olunur. Bu vaxt turist axını hələ pik həddə çatmır, amma hava artıq kifayət qədər isti və xoş olur.
Lent.az xəbər verir ki,“Express” nəşrinin ekspertləri apreldə temperaturun bəzən +30°C-yə çatdığı və Avropadan rahat gedilə bilən 5 möhtəşəm istiqaməti təqdim edib.
Marakeş, Mərakeş
Bu Afrika şəhəri günəşli havası və zəngin mədəniyyəti ilə tanınır. Marakeş tez-tez “Qırmızı şəhər” adlandırılır. Bu ad qədim şəhər divarlarının rəngindən qaynaqlanır.
Şəhər həm tarixi memarlığı, həm də müasir dizaynla harmoniyası ilə seçilir. Burada həm qədim üsullarla işləyən ustalar, həm də müasir sənət nümunələri tapmaq mümkündür.
Apreldə temperatur: təxminən +28°C
Uçuş müddəti: 3–5 saat
Tenerife, İspaniya
Kanar adalarının ən məşhur istiqamətlərindən biri olan Tenerife ilboyu isti iqlimi ilə turistləri cəlb edir.
Apreldə hava adətən +23°C olur, lakin bəzən Səhradan gələn isti küləklər temperaturu +30°C-yə qədər yüksəldə bilər.
Attraksionlar: Siam Park akvaparkı, Barranco del Infierno marşrutu
Uçuş müddəti: 2.5-4.5 saat
Şarm əl-Şeyx, Misir
Bu məşhur kurort çimərlik istirahəti üçün ideal seçimdir. Qırmızı dənizin sahilində yerləşən şəhər təmiz suları və zəngin sualtı həyatı ilə məşhurdur.
Turistlər xüsusilə Ras Mohammed Milli Parkında dalğıclıq etməyi sevirlər.
Apreldə temperatur: +30°C
Uçuş müddəti: 2.5-6 saat
Barbados
Karib dənizində yerləşən bu ekzotik ada ağ qumlu çimərlikləri və sabit isti iqlimi ilə seçilir.
Barbados yalnız təbiəti ilə deyil, həm də Afrika, Britaniya və Karib mədəniyyətlərinin qarışığı ilə zəngin tarixə malikdir.
Apreldə temperatur: +30°C
Uçuş müddəti: 9-15 saat
Malaqa, İspaniya
Malaqa Avropada qısa istirahət üçün ən uyğun istiqamətlərdən biridir. Şəhərdə ildə orta hesabla 320 gün günəşli hava müşahidə olunur.
Burada xüsusilə dəniz məhsulları ilə zəngin mətbəxi dadmaq tövsiyə olunur.
Apreldə temperatur: +20-22°C
Uçuş müddəti: təxminən 2-3 saat
dünya travel
