Bu gün həndbol üzrə Azərbaycan yığması AVRO-2024-ün seçmə mərhələsində növbəti oyununu keçirib.
Lent.az xəbər verir ki, V qrupda yer alan millimiz Litvanın qonağı olub.
4 gün əvvəl Bakıda rəqibini məğlub edən həndbolçularımız səfərdə eyni uğuru təkrarlaya bilməyiblər. Birinci hissəni 6 xal fərqi ilə üstün bitirən litvalılar fasilədən sonra fərqi artırıblar. Meydan sahibləri 41:26 hesabı ilə qalib gəliblər.
Qeyd edək ki, qrupun digər matçında Şimali Makedoniya İspaniyanın qonağı olacaq.
Mənbə: lent.az