Rusiya 2027-ci ilə qədər istifadəçi məlumatlarını ölkə sərhədləri daxilində saxlamayan ChatGPT, Gemini və Claude kimi xarici süni intellekt alətlərini qadağan etməyi planlaşdırır.
Lent.az xəbər verir ki, Rusiya hər gün yüz minlərlə insanın istifadə etdiyi xarici süni intellekt alətlərinə ciddi məhdudiyyətlər qoymağa hazırlaşır.
Yeni qanun layihəsinə görə, bu platformalar üç il ərzində ölkə sərhədləri daxilində Rusiya istifadəçilərinə məxsus məlumatları saxlamalıdırlar.
Təklif olunan qaydalar 2027-ci ilə qədər tətbiq olunarsa, Rusiyadakı istifadəçilər “OpenAI” və “Google” kimi nəhənglərin məşhur süni intellekt xidmətlərinə çıxışı itirə bilərlər.
Rusiya Rəqəmsal İnkişaf Nazirliyi bu addımın vətəndaşları ayrı-seçkilik alqoritmlərindən və rəqəmsal manipulyasiyalardan qorumağı hədəflədiyini bildirib.
Bu məhdudiyyətlər Moskvanın rəqəmsal məkanını xarici təsirlərdən təmizləmək və ənənəvi dəyərlərə uyğun ekosistem yaratmaq məqsədinin bir hissəsi kimi qəbul edilir.
Mütəxəssislər Qərb texnologiyasından asılılığı azaltmağa yönəlmiş bu addımın “Yandex” kimi yerli süni intellekt platformalarına əhəmiyyətli üstünlük verəcəyini bildirirlər.
Rusiya ChatGPT Gemini