Tramp bildirib ki, məhz ABŞ sayəsində Rusiyaya təsir göstərə və onu cilovlaya bilirlər.
ABŞ prezidenti Donald Tramp NATO-nun Amerika gücünə əsaslandığını bildirib. O, həmçinin Kremlin təcavüzünün qarşısını alan əsas amilin ABŞ-ın gücü olduğunu bildirib.
Lent.az-ın xarici mediaya istinadən xəbərinə görə, Tramp qeyd edib ki, ABŞ-ın iştirakı olmadan Şimali Atlantika Alyansı Rusiyanın gözündə əhəmiyyətini itirəcək.
"NATO bizik. Putin bizdən qorxur; o, Avropadan qorxmur. O, Amerika Birləşmiş Ştatlarından qorxur", - ABŞ prezidenti vurğulayıb.
Tramp həmçinin əlavə edib ki, Ukrayna məsələsi üzərində işləməyə davam edir, baxmayaraq ki, onun fikrincə, buna ehtiyac yox idi.
"Biz onlarla Ukrayna ilə bağlı işləyirik. Ukrayna minlərlə kilometr uzaqdadır. Biz bunu etməyə ehtiyac duymuruq", - ABŞ prezidenti vurğulayıb.
DonaldTramp Vladimir Putin