Alimlər xəbərdarlıq edir ki, “Wi-Fi” şəbəkələri görünməz müşahidə vasitəsinə çevrilə bilər.
Lent.az xəbər verir ki, Karlsrue Texnologiya İnstitutunun araşdırmasına görə, “Wi-Fi” siqnallarını passiv şəkildə qeydə alaraq insanların görüntüsünü yaratmaq mümkündür.
Bu üsul üçün şəxsin üzərində telefon və ya başqa elektron cihazın olması tələb olunmur.
İnsan bədənindən əks olunan radio dalğaları süni intellekt tərəfindən analiz edilərək kamera bənzəri təsvirlər əldə edilir.
Tədqiqatçılar bildirir ki, adi “Wi-Fi” modemləri belə “səssiz müşahidəçi” rolunu oynaya bilər.
197 nəfərin iştirakı ilə aparılan testlərdə şəxslərin kimliyi demək olar ki, 100% dəqiqliklə müəyyən edilib.
Alimlər ciddi məxfilik risklərinə görə yeni “Wi-Fi” standartlarında təcili qoruyucu tədbirlər görülməsinə çağırır.
Wi-Fi