"Mançester Siti"nin müdafiəçisi Con Stounz karyerasını Almaniyada davam etdirə bilər.
"Report" xarici KİV-ə istinadən xəbər verir ki, ingiltərəli futbolçu yayda azad agent olacaq.
"Bavariya"nın baş məşqçisi Vensan Kompani futbolçunu heyətdə görməkdə maraqlıdır.
Qeyd edək ki, C.Stounz 2016-cı ildə "Everton"dan "Mançester Siti"yə 55 milyon avroya transfer olunub. Müdafiəçi cari mövsümdə "şəhərlilər"in heyətində bütün turnirlərdə 13 matça çıxıb və məhsuldar göstəricilərlə yadda qalmayıb.