Ötən il Azərbaycanda qida zəhərlənmələrinin çoxu məişət zəminində baş verib
"Report" xəbər verir ki, bunu Azərbaycan Qida Təhlükəsizliyi İnstitutunun (AQTİ) sədri Əli Nəbiyev ilin yekunlarına həsr olunmuş mətbuat konfransında deyib.
Onun sözlərinə görə, ötən il 51 qida zəhərlənməsi faktı təsdiqlənib:
"Bu hadisələrdə ümumilikdə 401 zərərçəkən qeydə alınıb. Ölüm faktı olmayıb. Təhlillər göstərir ki, zəhərlənmələrin 65 %-i məişət zəminində baş verib. Əsas səbəblər isə məişət şəraitində hazırlanan, konservləşdirilən məhsullar, qarışıq qidalar və ictimai iaşədə dönər məhsulları olub".