Ev heyvanlarınız varsa, bu təmizləyici vasitədən istifadə etməyin.
Lent.az xəbər verir ki, ağ sirkə uzun illərdir bir çox evdə sevilən vasitəyə çevrilib: ucuzdur, asan tapılır və kimyəvi təmizləyicilərə “təbii alternativ” kimi təqdim olunur. Döşəmələrin, xalçaların və parça səthlərin təmizlənməsində geniş istifadə edilir. Ev heyvanı sahibləri üçün sirkə tez-tez təhlükəsiz seçim kimi görünür, lakin əslində onun populyarlığı bir sıra gizli riskləri ört-basdır edir. Çirk və yağı effektiv şəkildə parçalayan xüsusiyyətləri ev heyvanlarının pəncələri, burnu və selikli qişaları üçün hər zaman faydalı olmur.
Sirkənin problemi təkcə effektivliyində deyil. Onun tərkibindəki turşu sidikdə, qusuntuda və ya nəcisdə olan zülalları parçalamır, sadəcə qoxunu maskalayır. İnsan üçün otaq təmiz iy verə bilər, amma heyvanlar üçün bu qoxu “tualet siqnalı” kimi qəbul olunur və həmin yerlərdə yenidən bu cür hallar baş vermə ehtimalını artırır. Bundan əlavə, sirkə quruduqdan sonra qoxuları daha da gücləndirə, xalça və parça liflərini kövrək hala sala bilər. Təhlükəsizlik məsələsi də son dərəcə vacibdir. Ev heyvanları səthlərlə insanlardan fərqli şəkildə təmasda olurlar: onların üzərində gəzirlər, uzanırlar və pəncələrini yalayırlar. Güclü turşulu vasitələr, xüsusilə məsaməli səthlərdə, dərini, dili, pəncələri və həzm sistemini qıcıqlandıra bilər. Taxta, mərmər və təbii daş kimi materiallar da sirkənin təsiri ilə zədələnə, səthdə kobudluq yarada və bu nahiyələrdə qoxuların daha çox qalmasına səbəb ola bilər.
Daha effektiv və təhlükəsiz seçim ferment əsaslı (enzimli) təmizləyici vasitələrdir. Onlar heyvan tullantılarında olan zülalları təhlükəsiz komponentlərə parçalayır və heyvanları cəlb edən qoxuları tamamilə aradan qaldırır. Bu vasitələrin bir çoxu kəskin iyə malik deyil və xalça ilə mebel üzlükləri üçün təhlükəsiz sayılır. Təmizlik zamanı heyvanların həmin otağa girişini məhdudlaşdırmaq, məkanı yaxşı havalandırmaq və səthlər tam quruyana qədər onları geri buraxmamaq vacibdir. Eyni zamanda istifadə etdiyiniz vasitələrin tərkibini diqqətlə yoxlamaq, ağardıcılar, ammonyak, hidrogen peroksid və fenollar kimi kimyəvi maddələrdən uzaq durmaq tövsiyə olunur.
Heyvanlar aləmi ev heyvanları təhlükəsiz təmizlik pişik və itlər