Pişik davranışı üzrə ekspertlər qeyd edirlər ki, pişik yatmaq üçün yeri təsadüfi seçmir onun seçiminə bir sıra amillər təsir göstərir. Pişiklər yatmaq üçün yer seçərkən təhlükəsizlik, temperatur və digər amilləri nəzərə alırlar.
Lent.az xəbər verir ki, əgər insan adətən yalnız bir yerdə öz yatağında yatırsa, pişiyin evdə yatmaq üçün çoxlu variantı ola bilər və heyvan hər dəfə yeni bir məkan seçə bilər. Elə görünə bilər ki, pişiklər istənilən yerdə yatırlar, amma əslində onların seçimində müəyyən bir sistem var və bu sistem təəccüblü dərəcədə çox amili nəzərə alır.
Temperatur
“Temperatur adətən ən vacib amildir. Havanın vəziyyətindən və ilin fəslindən asılı olaraq pişiklər öz ehtiyaclarına uyğun olaraq daha isti və ya daha sərin yerlərə üstünlük verə bilərlər”, - deyə Lusvardi bildirib. Yəni pişik təzə yuyulmuş isti paltarların üzərinə uzana, günəş şüasının xalça üzərində hərəkətini izləyə və ya sərin kafel döşəmədə uzana bilər.
Təhlükəsizlik
Vəhşi təbiətdə pişiklər daha iri yırtıcılar üçün ov hesab olunduğundan, onlar xüsusilə yatarkən təhlükəsizliyə çox həssas yanaşırlar. Lusvardi izah edib ki, məhz buna görə pişiklər tez-tez qapalı məkanlarda yatmağı sevirlər belə yerlərdə yırtıcıların onlara çatması daha çətindir və özlərini daha az müdafiəsiz hiss edirlər.
Vaxtın bölüşdürülməsi
Ən yaxşı yatmaq yerləri yemək və su kimi bir resurs sayılır. Buna görə də, xüsusilə evdə başqa heyvanlar da varsa, pişiklər gün ərzində növbə ilə ən rahat və populyar yerləri tuturlar. Kassidey qeyd edib ki, pişiklər münaqişə yaranmaması üçün müəyyən yerləri növbə ilə istifadə edə bilərlər.
Yaxınlıq
Bir çox pişik sahibi və ya digər heyvanların yanında yatanda özünü daha təhlükəsiz hiss edir. Bunun səbəbi odur ki, yırtıcının bir qrupun üzərinə hücum etməsi tək bir canlıya hücum etməsindən daha çətindir.
Müxtəliflik
Qeyd olunur ki, bəzən pişiklərin yeni yatmaq yeri seçməsinin səbəbi çox sadə olur onlar yenilik istəyirlər.
“Bir çox pişik mühiti dəyişməyi sevir. Bir yer bir müddət xoşlarına gəlir, sonra darıxırlar və başqa yerə keçirlər. Bu sadəcə onların qəribə vərdişidir, çünki müxtəlifliyi sevirlər”, - deyə Lusvardi izah edib.
Səs-küy
Pişiklər də əksər heyvanlar kimi sakitlikdə özlərini daha rahat hiss edirlər və istirahət üçün səssiz yerlər axtarırlar.
Məkan
Bir çox pişik yatmaq üçün dar, qapalı məkanları rahat küncləri və ya kiçik qutuları seçir.
Sağlamlıq və yaş
“Yaşdan və sağlamlıq vəziyyətindən asılı olaraq, müəyyən yatma pozaları və ya yerlər onlar üçün daha rahat və ya narahat ola bilər. Məsələn, oynaq problemləri olan yaşlı pişik üçün isidilən yataq daha uyğun ola bilər”, - deyə Lusvardi bildirib.
Heyvanlar pişiklər pişiklər necə yatır