Məşhur bloqer Markes Braunli “Google Pixel 7a”nı 2023-cü ilin telefon bazarında ən yaxşı kameraya malik smartfon adlandırıb.
Lent.az xəbər verir ki, aparılan testlərdə bloqer dörd qrupa bölünən 20 smartfondan istifadə edib. O, daha sonra səsvermə səhifəsi yaradıb və istifadəçilər hansı cihazlarla çəkildiklərini bilmədən, ən yaxşı hesab etdikləri fotoşəkilləri seçməli olublar. Hər bir cihaz üçün xallar təyin edilib. Test nəticələrinə görə, 1660 bal toplayan ən yaxşı kameraya malik qadcet kimi “Google Pixel 7a” seçilib.
Siyahının ilk üçlüyünə digər “Google” brend cihazları - flaqman “Pixel 8 Pro” və qatlana bilən “Pixel Fold” cihazı daxil edilib. İlk onluğa həmçinin “OnePlus Open”, “Samsung Galaxy S23”, “Samsung Z Flip 5”, 2iPhone 15 Pro”, “Vivo X90 Pro”, “Samsung Z Fold 5” və “Moto RAZR Plus” daxil olub.
Bəzi testlərdə adi gün işığında çəkilişinə görə “Google Pixel 7a” qalib gəlib. Aşağı işıqlandırma şəraitində çəkiliş zamanı isə “iPhone 15 Pro” portret rejimində ən yaxşısı seçilib.