Ekvadorun Manabi əyalətində baş verən atışmada azı 9 nəfər həlak olub.
"Report" xəbər verir ki, bu barədə yerli "UV Television" telekanalı məlumat yayıb.
Qeyd olunub ki, dekabrın 28-də səhər saatlarında Manabi əyalətində yerləşən Puerto Lopez balıqçı kəndində silahlı şəxslər atəş açıb. Ölənlər arasında iki yaşlı uşaq da var.
Hadisənin cinayətkar dəstələrlə əlaqəsi ola bilər. Ölənlərin dəqiq sayı müəyyənləşdirilir.