2024-cü ilin ən güclü və sürətli smartfonlarının reytinqi tərtib edilib.
Lent.az xəbər verir ki, siyahıda lider “OnePlus 12” smartfonudur. Cihaz sənayedə ən qabaqcıl funksiyalara sahibdir və bu gün təkcə Androidlər arasında deyil, həm də prinsipcə ən güclü smartfondur.
“Qualcomm Snapdragon 8 Gen 3” və 24 GB RAM kombinasiyasını alan “OnePlus 12” aparılan testlərdə 2,18 milyon xal toplayıb. Müqayisə üçün qeyd edək ki, “iPhone 15 Pro Max” oxşar testlərdə maksimum 1,64 milyon bal toplayır.
İkinci və üçüncü yerlərdə “MediaTek Dimensity” 9300 çipinə əsaslanan iki model – “Vivo X100” və “iQOO Neo9 Pro”dur.
İlk onluğa “iQOO 12”, “Red Magic 9 Pro+”, “nubia Z60 Ultra”, “vivo X100 Pro” kimi modellər daxildir.Yeni modellər buraxıldıqca, “Xiaomi”nin ən yaxşı flaqmanları reytinqdən tamamilə düşə bilər.
Həmçinin ən yaxşı alt-flaqman Android qadcetlərini yenilənib. Altı aydan çoxdur ki, bu reytinqə Snapdragon 7+ Gen 2 əsasında “Redmi Note 12 Turbo” və “Realme GT Neo5 Se” başçılıq edirdi və indi onların hər ikisi yeni model – “Dimensity 8300-Ultra” ilə təchiz edilmiş “Redmi K70E” ilə məğlub olur.
“OnePlus 12”nin “Galaxy S24 Ultra”nın buraxılışına qədər "ən güclü" telefon adını saxlayacağı gözlənilir.