Texnologiya dünyasına təsir edən RAM böhranı süni intellekt texnologiyalarına tələbatın artması və ehtiyatların yetərsizliyi ilə dərinləşir.
Lent.az xəbər verir ki, sürətlə artan qiymətlər və təchizat zəncirindəki fasilələr istehsalçıları qeyri-ənənəvi satış strategiyaları hazırlamağa məcbur edir.
Xüsusi hazırlanmış kompüterlər satan “Paradox Customs” şirkəti, ehtiyat çatışmazlığı və artan xərclərin həlli olaraq siyahısına RAM-sız kompüter seçimlərini əlavə edib.
Bu metodla şirkət istifadəçiləri həddindən artıq qiymət artımlarından qorumağı və təchizat problemlərindən kompüter satışlarının təsirlənməsinin qarşısını almağı hədəfləyir.
Bu yeni modeldə istifadəçilər öz RAM-larını əldə etməli və quraşdırmalıdırlar və anakart üçün uyğun olmayan hissələrin seçilməsi sistem qeyri-sabitliyinə və tətbiq qəzalarına səbəb ola bilər.
Sənaye təhlillərinə görə, texnologiya bazarına meydan oxuyan bu böhranın qısa müddətdə həll edilməsi gözlənilmir və təsirlərinin 2026-cı ildən sonraya qədər davam edəcəyi proqnozlaşdırılır.
kompüter RAM