“Apple”, texnologiya dünyasında uzun müddətdir müzakirə mövzusu olan qatlanabilən “iPad” layihəsindəki ən böyük maneələrdən birini - ekranın qırışmasını aradan qaldırmaq üçün səylərini sürətləndirib.
Lent.az xəbər verir ki, Samsung və “Huawei” kimi rəqiblər tərəfindən buraxılan modellərdə görülən bu problemi tamamilə həll etməyi hədəfləyən şirkət, texniki çətinlikləri aradan qaldırmaq üçün yeni üsullar sınayır.
“Apple” mühəndisləri cihazın ekranında yarana biləcək qırışların qarşısını almaq üçün Ultra-Nazik Çevik Şüşə (UFG) texnologiyasına diqqət yetirirlər.
Davamlılıq və elastiklik arasında ideal balansı tapmaq məqsədi daşıyan şirkət, ən yaxşı nəticəni əldə etmək üçün bu xüsusi şüşəni müxtəlif qalınlıq səviyyələrində sınaqdan keçirir.
Dizayn prosesindəki bu diqqətli tədqiqatlar və texniki maneələr cihazın buraxılış tarixinə təsir göstərə bilər.
Analitik Ming-Chi Kuo, “iPad” Fold tədarükünün 2027-ci ilə qədər müntəzəm olmaya biləcəyini proqnozlaşdırır və “Apple”ın qüsursuz bir dizayn əldə etməyə tələsmədiyini irəli sürür.
Apple iPad