“iPhone 17” 2025-ci ilə qədər satışa çıxarılmayacaq. Ancaq bu smartfon və onun texniki xüsusiyyətləri ilə bağlı artıq internetdə çoxlu söz-söhbətlər var.
Lent.az “MacRumors” saytına istinadən xəbər verir ki, yeni cihazın görünə biləcək ən çox ehtimal olunan beş xüsusiyyəti müəyyən edilib.
Bir çox istifadəçi 2025-ci ildə “iPhone 17” və “iPhone 17 Plus”ın buraxılması ilə “Apple”ın cihazları vahid ekran ölçülərinə çatdıracağını gözləyir: “iPhone 17” və “17 Pro” üçün 6,27 düym, “iPhone 17 Plus” və 217 Pro Max2 üçün 6,86 düym. Bütün “iPhone 17” seriyasının 19.6:9 nisbətindən istifadə edəcəyi gözlənilir. Bu da cihazları bir qədər uzun edir.
“Apple”ın 2025-ci ildə “ProMotion” texnologiyasını hətta standart “iPhone 17” modellərinə gətirəcəyi gözlənilir. Bu da 120Hz ekranların hətta baza modellərində də mövcud olacağı deməkdir. Tezlik, ehtimal ki, dinamik olacaq, ekranlara boş rejimdə tezliyi azaltmağa və enerjiyə qənaət etməyə imkan verəcək.
Belə bir fikir var ki, “iPhone 17 Pro” ekran altı Face ID sensoru olan ilk “Apple” smartfonu olacaq. Bu o deməkdir ki, cihazın ön hissəsində ön kamera üçün yalnız bir kiçik deşik olacaq və onu müasir Android cihaz dizaynlarına yaxınlaşdıracaq.
“Pro” modellərində “Apple” tərəfindən hazırlanmış Wi-Fi 7 çipinin olması ehtimal olunur. Bu da cihazlara eyni vaxtda üç diapazonda məlumat ötürmək imkanı verəcək, daha sürətli və daha sabit əlaqə vəd edir.
Həmçinin, bildirilir ki, “iPhone 17 Pro” və “17 Pro Max” yenilənmiş 48 meqapiksellik telefoto obyektiv alacaq. Bu yeniləmə sizə Vision Pro MR qulaqlıq dəstəyi ilə yüksək keyfiyyətli foto və videolar yaratmağa imkan verəcək.