Çöldə şaxta hökm sürdükdə, orqanizm isti və rahatladıcı yeməklərə can atır. Məhz bu zaman şorbalar ideal seçimə çevrilir. Qış aylarında onlar təkcə isitmır, eyni zamanda enerjini bərpa edir, sakitləşdirir və immuniteti dəstəkləyir. Bu seçimdə üç fərqli, lakin eyni dərəcədə rahatlıq bəxş edən yemək təqdim olunur: göbələk bulyonunda əriştəli doyumlu şorba, zərif klassik yumurtalı şorba və tez hazırlanan ədviyyəli qara lobya şorbası.
Lent.az bu üç şorbanın reseptini təqdim edir.
Göbələk bulyonunda əriştəli şorba
İnqrediyentlər - 1 litr göbələk bulyonu, 170 qram doğranmış göbələk, 1 stəkan lobya, 75 qram, ispanaq, 1 çay qaşığı soya sousu, əriştə, 2 çay qaşığı küncüt yağı, üstü üçün yaşıl soğan və küncüt.
Hazırlanma qaydası
Qazanda göbələk bulyonunu qaynamağa çatdırın. Ayrı qazanda əriştə üçün suyu qaynadın. Bulyona göbələkləri və lobyaları əlavə edin, 5 dəqiqə bişirin, sonra ispanaq və soya sousunu qatın və ocaqdan götürün. Əriştəni təlimata uyğun bişirin və soyuq sudan keçirin. Əriştəni boşqablara qoyun, üzərinə isti şorbanı tökün, küncüt yağı səpin və göyərti ilə bəzəyin.
Tez və sadə yumurtalı şorba
İnqrediyentlər - 1 litr toyuq bulyonu, 1 xörək qaşığı qarğıdalı nişastası, 3/4 stəkan göbələk, 3 ədəd yaşıl soğan, rəndələnmiş zəncəfil, soya sousu, ağ istiot, 3 iri yumurta (azca çalınmış).
Hazırlanma qaydası
Bulyonun yarım stəkanını nişasta ilə qarışdırın. Qalan bulyonu göbələk, soğan, zəncəfil, soya sousu və istiotla birlikdə qaynadın. Nişastalı qarışığı əlavə edib ocağın altını azaldın. Çalınmış yumurtaları çox yavaş şəkildə əlavə edin və qarışdırın ki, zərif yumurta lentləri alınsın. Üzərini yaşıl soğanla bəzəyərək isti halda süfrəyə verin.
Lobyalı şorba
İnqrediyentlər - 2 xörək qaşığı zeytun yağı, 2 diş sarımsaq, 1 kiçik sarı soğan, üyüdülmüş zirə və keşniş, 2 banka lobya, mayesi ilə birlikdə, 1 banka odda qızardılmış pomidor, kub şəklində, 240 ml tərəvəz və ya toyuq bulyonu, duz, çili bibəri. Üstü üçün istəyə görə: xama və ya yoqurt, doğranmış keşniş, dilimlənmiş xalapenyo, laym dilimləri, qarğıdalı çipsləri.
Hazırlanma qaydası
Zeytun yağında sarımsaq və soğanı yumşalana qədər qovurun. Ədviyyatları əlavə edib 30 saniyə qızdırın. Lobyanı mayesi ilə birlikdə, pomidor və bulyonu qatın, qaynadın və bir neçə dəqiqə bişirin. İstəyə görə şorbanı qismən və ya tam blenderdən keçirə bilərsiniz. Sevdiyiniz əlavələrlə süfrəyə verin.
Şorba Qış yeməyi
