Bəziləri smartfonlarını tam 100 faiz olmadan enerjidən ayırmır. Bəziləri isə bunun yanlış olduğunu düşünür.
Lent.az xəbər verir ki, məsələ ilə bağlı mütəxəssis Riteş Çax münasibət bildirib.
Onun sözlərinə görə, telefonun batareyasının ömrünə onun istehsal tarixi və kimyəvi yaşı kimi amillər təsir. Bu da temperaturun dəyişməsi, doldurma sxemi və ümumi istifadənin nəticəsidir. Zamanla, litium-ion batareyalar təbii olaraq tutumunu və performansını itirir.
Tədqiqatlar göstərir ki, tipik 2019-cu il smartfon batareyası tutumu 80%-dən aşağı düşməzdən əvvəl təxminən 850 doldurma/boşaltma dövrünə tab gətirə bilər. Bu da təxminən iki-üç il istifadə deməkdir. Telefonunuzu gecə ərzində doldurmaq nəinki lazımsızdır, həm də batareyanın köhnəlməsini sürətləndirir .
Batareyanın ömrünü uzatmaq üçün tam doldurma dövrlərindən qaçın (0-100 faiz). “Samsung” şirkətləri çox tez-tez 100 faizə qədər doldurmamağı tövsiyə edir. “Apple” isə “iPhone”unuzu həmişə 100 faiz doldurmaq əvəzinə yalnız 20 faizdən aşağıya düşməməyi məsləhət görür.
Ekspert onu da qeyd edib ki, smartfonun enerji yığarkən partlama ehtimalı az olsa da, adətən istehsal qüsurları, keyfiyyətsiz avadanlıq və ya fiziki zədələnmə ilə bağlı nadir hallar olur.
Telefonunuzun batareyasının ömrünü uzatmaq üçün aşağıdakılara diqqət edin:
Proqram təminatınızı yeniləyin, sertifikatlı şarj cihazlarından istifadə edin, həddindən artıq temperaturdan qaçın, şarjı 80 faizə qədər məhdudlaşdırın, doldurarkən düzgün ventilyasiyanı təmin edin, batareyanın sağlamlığına nəzarət edin.