31 dekabrdan 1 yanvara keçən gecə təbii bir başlanğıc nöqtəsi kimi qəbul olunur.
Lent.az xəbər verir ki, tarixi baxımdan ilin başlanğıcı dəfələrlə dəyişib və bizə tanış olan tarix nisbətən gec formalaşıb.
Rusiyada Yeni ilin 1 yanvarda qeyd olunmasına yalnız 1700-cü ildə I Pyotrun fərmanı ilə başlanılıb. Ondan əvvəl Yeni il əvvəlcə 1 martda, daha sonra isə 1 sentyabrda qeyd edilirdi. Bu dəyişiklik ölkənin genişmiqyaslı avropalaşma siyasətinin tərkib hissəsi idi. İmperator Rusiyanın təqvimini Qərb ölkələri ilə uyğunlaşdırmağa çalışırdı.
Avropada isə bu ənənə Yuli Sezarın islahatı nəticəsində möhkəmlənib. O, eramızdan əvvəl 46-cı ildə ilin başlanğıcını 1 yanvar tarixinə təyin edib. Bu tarix təsadüfi seçilməmişdi. Həmin gün romalılar qapıların və yeni başlanğıcların himayədarı sayılan Yanus tanrısını anırdılar.
Xristian ənənəsi uzun müddət bu pagan mirasına qarşı çıxıb. Müxtəlif ölkələrdə Yeni il yazda və ya payızda qeyd olunurdu. Lakin zamanla bayramın dünyəvi xarakteri üstünlük qazandı və 1 yanvar inzibati və maliyyə işləri üçün əlverişli başlanğıc nöqtəsinə çevrildi.
Rusiyada I Pyotrun fərmanı Yeni il ağacının qurulması və fişənglərin istifadəsi ilə müşayiət olunurdu. Bu elementlər Avropa ənənələrindən götürülmüşdü.
Bu gün Yeni il dini mənsubiyyətdən asılı olmayaraq insanları birləşdirən universal bayram kimi qəbul olunur. Məhz buna görə də o, dünyada ən kütləvi şəkildə qeyd edilən hadisəyə çevrilib.
Tarix göstərir ki, alışdığımız tarix siyasi və mədəni islahatların nəticəsidir. Çox az insan düşünür ki, bu tarix minilliklər boyu davam edən təqvim təkamülünün məhsuludur.
Yeni il Yeni il niyə yanvardın 1-i qeyd edilir?