Volqa Avtomobil Zavodu (AvtoVAZ) bütün modellərinin mühərriklərinin yanacaqdakı spirtin miqdarını kifayət qədər idarə edə biləcəyini açıqlayıb.
Lent.az-ın xarici mediaya istinadla xəbərinə görə, benzinin maya dəyərini azaltmaq üçün ona spirt əlavə etmək imkanı bir müddətdir müzakirə olunur və bazar mütəxəssisləri belə bir qarışığın mühərrikə və nəqliyyat vasitəsinin işinə təsiri ilə bağlı fikir ayrılığına malikdirlər. Bu, xüsusilə köhnə nəqliyyat vasitələri və bəzi xarici istehsallı avtomobillər üçündür.
Bildirilibb ki, benzindəki spirt miqdarı 10 faizdən çox olmayan səviyyədə zavodda etalon yanacaq kimi istifadə olunur və performansa və ya etibarlılığa mənfi təsir göstərmir. Lakin, qarışıqdakı payının müəyyən edilmiş limitlərdən artıq artırılması əlavə tədqiqat və sınaq tələb edir.
Belə qarışığın mühərrik yanacağı kimi istifadəsinə Çin, ABŞ və Avropa İttifaqı də daxil olmaqla bir çox ölkədə icazə verilir. Tədqiqatlar göstərir ki, bu, xüsusilə qiymətlərin artması və ya bazar qıtlığı şəraitində məhsulun son dəyərini əhəmiyyətli dərəcədə azaldır.
Lada avtomobil benzin spirt