“Apple”ın sentyabr ayında satışa çıxardığı “iPhone Air” modeli texnologiya dünyasına gözlənilən təsir göstərə bilmədi.
Lent.az xəbər verir ki, cihazın məyusedici satış göstəriciləri təkcə “Apple”ı deyil, həm də ultra nazik telefon trendinə qoşulmağı planlaşdıran Çin rəqiblərini strategiyalarını dəyişdirməyə məcbur etdi.
“iPhone Air”in uğursuzluğundan sonra “Xiaomi”, Oppo və Vivo kimi böyük istehsalçıların “Apple” ilə rəqabət aparmaq üçün ultra nazik model layihələrini ləğv etdikləri və ya dayandırdıqları bildirilir.
5.6 mm nazikliyi ilə seçilən “iPhone Air”, bu dizaynı əldə etmək üçün kiçik batareya və tək arxa kamera kimi xüsusiyyətlərdən imtina etdi.
Lakin, 999 dollarlıq başlanğıc qiyməti, istehlakçıları cəmi 100 dollar daha ucuz qiymətə daha üstün xüsusiyyətlər təklif edən “iPhone 17 Pro”ya inandırmaq üçün kifayət deyildi.
Oxşar aqibətlə üzləşən Samsungun da “Galaxy S25 Edge” istehsalını dayandırdığı və “S26 Edge” layihəsini ləğv etdiyi bildirilir.