“WhatsApp” messencerində istifadəçilərə söhbətləri süzgəcdən keçirməyə imkan verən yeni funksiya təqdim olunub.
Lent.az xəbər verir ki, bu barədə “WABetaInfo” portalı məlumat yayıb .
Mütəxəssislər bildiriblər ki, “WhatsApp” söhbətləri təsnif etməyə kömək edən mühüm filtrlər əlavə edib. Filtrlər söhbət siyahısının yuxarı hissəsində yerləşdirilib.
Ekspertlərin fikrincə, yeni filtrlərin siyahısına “Oxunmamış”, “Kontaktlar” və “Qruplar” dialoq qrupları daxil olacaq. Bu, müəyyən növ söhbətlərə tez daxil olmağa imkan verəcək. Məsələn, "Oxunmamış" filtri yalnız oxunmamış mesajları ehtiva edən söhbətləri, "Qruplar" isə yalnız qrup söhbətlərini göstərəcək.
Yeni funksiya beta testçiləri üçün əlçatandır və seçim yaxın gələcəkdə bütün istifadəçilər üçün əlçatan olacaq.