Sızdırılan məlumata görə, “Google”un çox gözlənilən “Pixel 10” seriyası dizayn baxımından heç bir böyük sürpriz təqdim etməyəcək.
Lent.az xəbər verir ki, “OnLeaks” və “Android Headlines” tərəfindən paylaşılan sızmalara görə, “Pixel 10”, “Pixel 10 Pro” və “Pixel 10 Pro XL” modelləri “Pixel 9” seriyasına çox oxşar dizaynla gələcək.
“Google”un imza kamera paneli və ümumi dizayn xətləri saxlanılacaq.
“Pixel 10” seriyasının dizaynında ciddi dəyişikliklər olmasa da, “Pixel 10” və “Pixel 10 Pro” modelləri sələflərindən bir qədər qalın olacaq. Bununla belə, bu fərq istifadəçi təcrübəsinə əhəmiyyətli dərəcədə təsir göstərmir.
Xüsusilə yeni “Tensor G5” çipi və süni intellekt xüsusiyyətləri “Pixel 10” seriyasının diqqət çəkən məqamları arasında olacaq.
“Google” bu seriyada daha çox performans və proqram təminatı təcrübəsinə diqqət yetirəcək.