“Omdia” araşdırma şirkəti 2024-cü ilin birinci yarısı üçün dünyada ən çox satılan 10 telefonu tərtib edib.
Lent.az xəbər verir ki, siyahıya beş “Apple”, dörd “Samsung” və bir “Xiaomi” cihazı daxildir.
Birinci yerin sahibi “iPhone 15 Pro Max” olub. Ümumilikdə, bu cihazların 21,8 milyonu satılıb - bu, keçən ilin eyni dövründəki “14 Pro Max” ilə müqayisədə bir neçə milyon azdır. İkinci yerdə 17,8 milyon ədəd satılan “iPhone 15”in baza modelidir.
“Samsung Galaxy A15” qlobal reytinqdə üçüncü, Android smartfonları arasında isə birinci yeri tutub. Cənubi Koreya şirkətinin büdcə qurğusu digərlərindən Full HD+ təsvir ölçüsünə malik AMOLED ekran, pula ən yaxşı kamera və 4 illik dəstək olması ilə fərqlənir. O, bazarda ən dəbli telefon olmaya bilər, lakin mütləq öz sinfində ən qabaqcıl telefonlardan biridir.
Sonrakı iki yeri “iPhone 15 Pro” və “Galaxy S24 Ultra” tutub. Yeri gəlmişkən, bu, ilk onluğa daxil olan yeganə premium Android smartfonudur. “Galaxy AI” paketi və hətta ən tələbkar ehtiyacları ödəyəcək “doldurma” sayəsində ona tələbat böyükdür.
“Omdia” araşdırma firmasının məlumatına görə, “iPhone 15 Plus” keçən ilki bütün “Apple” modelləri arasında ən az populyardır. Telefon hətta ilk 20-liyə düşə bilmədi. Şayiələrə görə, “Apple” 2025-ci il “iPhone” seriyasında Plus modelini tamamilə yeni bir şeylə əvəz edəcək .
