Naxçıvan şəhərində ağır yol-nəqliyyat hadisəsi baş verib.
“Report”un yerli bürosu xəbər verir ki, hadisə şəhərin Tumbul kəndi ərazisində qeydə alınıb.
Belə ki, Naxçıvan şəhər sakini, 1991-ci il təvəllüdlü Əsgərov Tural Behbud oğlunun idarə etdiyi “Hyundai” markalı avtomobil yoldan çıxaraq aşıb.
Hadisə nəticəsində sürücü ciddi xəsarət alıb. Naxçıvan Muxtar Respublikası Mərkəzi Xəstəxanasına yerləşdirilən yaralının vəziyyəti ağırdır.
Faktla bağlı araşdırma aparılır.
Bizim WhatsApp kanalımıza abunə olun
