Çikaqo Universitetində ermənilərə partlayıcı qurğu hazırlamaqda kömək etmiş Aram Branson adlı xarici vətəndaş saxlanılıb.
Lent.az APA-ya istinadən bildirir ki, bu barədə ABŞ Ədliyyə Nazirliyi məlumat yayıb.
Qeyd edilib ki, Çikaqo Universitetinin yataqxanasında partlayış səbəb olmuş, sonradan bu əməlini yalan məlumatlarla ört-bas etmiş həmin şəxs bomba hazırlamaq məqsədilə gizli planlar qurmaqda ittiham edilir.
Çantasında partlayıcı xüsusiyyətli maddə daşıdığı üçün Logan Beynəlxalq Hava Limanında həyəcan siqnalının işə salınmasına da səbəb olan 21 yaşlı Aram Brunson məlumatları saxtalaşdırmaq, gizlətmək və ya ört-bas etmək, həmçinin federal rəsmlərə yalan bəyanatlar verməkdə ittiham olunur.
Brunsonun İrəvanda yaşadığı və orada Amerikan Universitetində təhsil aldığı güman edilir.
İttiham sənədlərinə görə, Brunsonun bomba hazırlamaqda məqsədi Qarabağda ermənilər üçün guya təhlükə yaradan azərbaycanlılara və başqalarına qarşı istifadə etmək olub.
İddia olunur ki, Brunson 2023-cü ilin yanvarında Çikaqo Universitetindəki yataqxanada partlayışa səbəb olduqdan sonra hüquq-mühafizə orqanlarının diqqətini cəlb edib. Hüquq-mühafizə orqanları Brunsonun cihaz hazırladığını və bu cihazın partlaması nəticəsində otağının yanmasına və yataqxananın təxliyə olunmasına səbəb olduğu aşkarlayıblar. O vaxt, iddiaya görə, Brunson hüquq-mühafizə orqanlarına internetdə gördüyü bir zarafatı təqlid etdiyini bildirib.
Sonrakı araşdırmalar, Brunsonun Ermənistanın məqsədlərini dəstəkləmək üçün birbaşa terror fəaliyyəti ilə məşğul olmaq istədiyini ortaya qoyub. Həmçinin, Brunsonun özünü partlayıcı cihazlar hazırlamaq, qapı və masaların qumbaralarla təchiz edilməsini göstərən videolar çəkdiyi iddia olunur. Onun internetdəki axtarışları da, ABŞ-da xarici diplomatik obyektlərə qarşı cinayət etməyi planlaşdırdığını göstərir.
Məhkəmə sənədlərinə görə, 2023-cü ilin avqustunda, Brunson Bostondan Ermənistana səfərə çıxarkən baqajında olan qeyri-adi və çox təhlükəli partlayıcı maddələrə görə, hava limanının həyəcan siqnalı işə düşüb. İddia olunur ki, o, gömrük və sərhəd mühafizəsi rəsmilərinə partlayıcı materialın onun baqajına necə düşdüyünü bilmədiyini bildirib. Axtarış zamanı Brunsonun Nyutondakı evində həmin partlayıcını hazırlamaq üçün geniş resept tapılıb və otağının üç yerində bomba “iti”nin aşkar etdiyi iddia olunur.
“Brunson qanunsuz hərəkətlə rhəyata keçirmək üçün konkret addımlar atıb. Radikal siyasi baxışlar narahatedici ola bilər, amma konstitusiya ilə qorunur. Lakin, bu baxışları dəstəkləmək məqsədilə çox təhlükəli partlayıcılarla eksperiment aparmaq və sonra davranışı barədə yalan bəyanatlar vermək sərhədi keçməkdir. Cəmiyyətlərimizi təhlükəsiz saxlamaq üçün sərhədi keçən hər kəsi araşdıracaq və mühakimə edəcəyik,” - ABŞ-ın müvəqqəti prokuroru Coşua S. Levy bildirib.
"Aram Brunsonun ittiham olunduğu məsələ narahatedicidir. Biz inanırıq ki, o, bomba hazırlamaq bacarıqlarını inkişaf etdirmək və partlayıcı cihaz hazırlamaq üçün hesablama ilə gizli planlar qurub, bu da onun zorakı ekstremist fəaliyyəti dəstək məqsədini güdür," - FTB-nın Boston Şöbəsinin Xüsusi Agentləri üzrə rəhbəri Codi Cohen deyib.
“ABŞ Gömrük və Sərhəd Mühafizəsinin (GSM) əməkdaşları federal, dövlət və yerli hüquq-mühafizə tərəfdaşlarımızla birlikdə çalışaraq, zərər vermək niyyətində olan hər kəsin məsuliyyətə cəlb edilməsini və ədalət qarşısına çıxarılmasını təmin etmək üçün yorulmadan çalışır,” - ABŞ Gömrük və Sərhəd Mühafizəsi, Boston Şöbəsinin Tərəfdaşlıq İdarə Heyətinin Direktoru Cennifer De La O bildirib.
İttihamların hər biri beş ilədək həbs cəzası, üç il şərti azadlıq və 250 min ABŞ dollarına qədər cərimə nəzərdə tutur. Cəza, ABŞ Sentensiya Qaydaları və cinayət işində cəzanın təyin edilməsini tənzimləyən qanunlar əsasında federal məhkəmə hakimi tərəfindən müəyyən edilir.