Böyük hadisəyə bir neçə gün qalmış “iPhone” 16 modellərinin təqdimat tarixi bəlli olub.
Lent.az xəbər verir ki, “Apple” şirkəti tədbir tarixini gözləniləndən bir gün əvvələ keçirib.
Əldə olunan məlumata görə “Apple” rəsmi olaraq yeni “iPhone”ları sentyabrın 9-da təqdim edəcək.
Tədbir “Apple Park”dakı Steve Jobs Teatrında "Glowtime" adı altında keçiriləcək.
“iOS” 18, “iPadOS” 18, “macOS Sequoia” və “watchOS” 11 kimi əsas əməliyyat sistemi yeniləmələri tədbirdən dərhal sonra istifadəyə veriləcək.
“iPhone” 16 modellərinin sentyabrın 20-də əvvəlcədən sifariş veriləcəyi və bir həftə sonra mağazalarda satışa çıxarılacağı gözlənilir.