İngiltərənin "Arsenal" klubunun sabiq baş məşqçisi Arsen Venger FIFA prezidentliyinə namizədliyini nəzərdən keçirir.
"Report" xəbər verir ki, bu barədə "LEquipe" nəşri məlumat yayıb.
FIFA-da Qlobal Futbol İnkişafı üzrə rəhbər vəzifəsində çalışan 77 yaşlı mütəxəssis qurumun hazırkı rəhbəri Canni İnfantinoya rəqib ola bilər.
Venger namizədliyini irəli sürüb-sürməyəcəyi ilə bağlı yekun qərarını gələn həftənin ortalarınadək verməyi planlaşdırır.
Xatırladaq ki, FIFA prezidentliyinə seçkilər 2027-ci il, martın 18-də Mərakeşin paytaxtı Rabatda keçiriləcək. İnfantino 2016-cı ildən FIFA-ya rəhbərlik edir.
Mənbə: report.az