Zaqatalada tutulan "reket jurnalist"ə hökm oxunub.
Lent.az-ın məlumatına görə, Şəki Ağır Cinayətlər Məhkəməsində şantaj və hədə-qorxu ilə pul tələb etmədə təqsirləndirilən Vüqar Musayevin işi üzrə məhkəmə prosesi başa çatıb.
Məhkəmənin hökmü ilə Vüqar Musayev 6 il müddətində azadlıqdan məhrum edilib.
Qeyd edək ki, ötən ilin mayında Vüqar Musayev özünü informasiya saytının baş redaktoru və vəzifəli şəxs kimi təqdim edərək Zaqatala rayonu ərazisində ayrı-ayrı sahibkarları şantaj etmək yolu ilə pul tələb etməkdə təqsirli bilinərək həbs edilib.