Çin markası “Xiaomi” rəsmi olaraq ən son flaqmanını ayın sonuna qədər satışa çıxaracağını təsdiqləyib.
Lent.az xarici mediaya istinadən xəbər verir ki, “Redmi K70 Ultra” (digər adı Redmi K70 Extreme Edition) adlanan cihaz güclü cihaz olacaq və “ən yaxşı oyun imkanlarını” təqdim edəcək.
Bildirilir ki, yeni məhsul üç rəngdə buraxılacaq: qara, ağ və bənövşəyi. Dizayn baxımından hər şey standartdır. Arxa tərəfdə düzbucaqlı blok, kameralar və flaş üçün dörd şayba, düz kənarlar və nazik çərçivəli düz ekran və ön kamera üçün kəsik. Korpus su və toza qarşı IP68 qorunma alacaq.
“Redmi K70 Ultra”nın sənayedə ən yaxşı göz qorunmasını təklif edən yeni nəsil 1.5K C8+ displeyinə sahib olan dünyada ilk olacağı da təsdiqlənib. Smartfon həmçinin 120 Vt sürətli enerji dolduran 5500 mAh batareyaya, Sony IMX906 sensoru və OIS ilə 50 MP əsas kameraya, 24 GB-a qədər operativ yaddaşa və 1 TB-a qədər yaddaş tutumuna malik olacaq.
“Xiaomi”yə görə, smartfon AnTuTu-da 2 382 780 bal toplayır və bu, yeni rekorddur. Beləliklə, buraxılış zamanı o, bazarda ən güclü Android smartfonu olacaq. İstehsalçıya görə, Redmi K70 Ultra "performans iblisi" olacaq və Genshin Impact-da 1,5K+120 Hz tezliyində oyun təqdim edə biləcək.
“Redmi K70 Ultra”nın rəsmi təqdimatı iyulun 19-da baş tutacaq . Bununla birlikdə, istehsalçının qapaqlı forma faktorunda ilk smartfonu olacaq “Xiaomi Mix Fold 4” və “Mix Flip”i elan edəcəklər.
Bundan əvvəl “Xiaomi”nin istifadəçilərinə bir düymədən istifadə edərək smartfonun sistem proqramlarında reklam materiallarını söndürməyə icazə verəcəyi barədə məlumatlar ortaya çıxdı. HyperOS mikroproqramının beta versiyasında yeni funksiya aşkar edilib.
