“Arsenal”ın baş məşqçisi Mikel Arteta İngiltərə Premyer Liqasında əlamətdar göstəriciyə çatıb.
Lent.az xarici KİV-ə istinadən xəbər verir ki, “Aston Villa” üzərində 1:0 hesablı qələbə Artetanın “Arsenal”ın başında Premyer Liqadakı 250-ci oyunu olub. Bununla da ispaniyalı mütəxəssis eyni klubla ən azı 250 Premyer Liqa matçına çıxan 10-cu baş məşqçi olub.
Arteta bu göstəriciyə çatan məşqçilər arasında qələbə faizinə görə dördüncü yerdədir. Onu yalnız Pep Qvardiola, Aleks Ferqyuson və Yurgen Klopp qabaqlayır.
Artetanın rəhbərliyi altında “Arsenal” xüsusilə güclü müdafiəsi ilə seçilir. London klubu yeni mövsümün ilk iki Premyer Liqa oyununda rəqiblərinə cəmi üç dəfə qapı çərçivəsinə zərbə vurmağa imkan verib. “Aston Villa” isə “Arsenal”a qarşı bir dəfə də qapı çərçivəsini dəqiq nişan ala bilməyib.
Arteta 2019-cu ildən “Arsenal”ı çalışdırır və hazırda Premyer Liqada ən uzun müddətdir eyni klubda çalışan baş məşqçidir.
Mikel Arteta Arsenal Mikel Arteta Arsenal Premyer Liqa Arsenal xəbərləri Arteta rekordu Pep Qvardiola Aleks Ferqyuson Yurgen Klopp Aston Villa Arsenal İngiltərə futbolu futbol xəbərləri Arsenal baş məşqçisi Premyer Liqa rekordları futbol son futbol xəbərləri
Mənbə: lent.az