Yay və istі hava adətən böyük miqdarda su içməyə sövq edir. Bəziləri hesab edirlər ki, susuzluğu pivə ilə də yatırmaq olar, lakin eyni zamanda nəzərə almırlar ki, bir şüşə pivənin tərkibində 50-100 qram təmiz spirt var.
Lent.az xarici mediaya istinadən xəbər verir ki, pivənin müntəzəm içilməsi alkoqolizmə və digər fəsadlara gətirib çıxara bilər.
Pivənin tərkibində sərxoşluq yaradan bir çox zərərli maddələr var. Bunlar təkcə sərxoşluq effektini gücləndirməyən, həm də insanın daxili orqanlarına və bütövlükdə orqanizmə mənfi təsir göstərən qəhvəyi yağlar (sivuş yağları), aldehidlər, efirlər və metanoldur.
Pivəni hər gün içsək, bu, çəki problemləri yarada bilər. Karbon qazı və maya mədəni genişləndirir, spirt isə həzm traktının sensorlarını qıcıqlandırır və toxluq mərkəzlərini bloklayır. Buna görə də pivədən sonra, əslində digər spirtli içkilərdən sonra olduğu kimi, adətən çox yemək istəyi yaranır.
Həkimlərin fikrincə, hər gün pivə içməyin nəticələri aşağıdakılar ola bilər:
• Ürək divarlarının qalınlaşması, ürək boşluğunun genişlənməsi, yəni "pivə ürəyi" adlanan hal, ürək əzələsinin nekrozu və hətta infarktlar.
• Mədə-bağırsaq traktının işində qastrit, pankreatit, hepatoz, qaraciyər sirrozu, böyrək funksiyasının pozulması, ətrafların ödemi, üzün şişməsi kimi müxtəlif pozulmalar.
• Beyin fəaliyyətinin pozulması, beyin hüceyrələrinin məhv olması, demensiyanın inkişafı, epilepsiya, görmə və eşitmə orqanlarının zədələnməsi, yuxunun pozulması.
• Periferik sinir sisteminin pozulması — demensiya yarana bilər, görmə, eşitmə pisləşir, yuxu pozğunluqları meydana gəlir, neyropatiya mümkündür.
• Hormonal fonun və reproduktiv funksiyanın pozulması.
sağlam həyat pivənin orqanizmə zərəriMənbə: lent.az