Türkiyədə oteldə qadın qətlə yetirilib.
Lent.az yerli mediaya istinadən xəbər verir ki, hadisə İstanbul şəhəri Fateh adlanan ərazidə qeydə alınıb. Buradakı otellərdən birində 26 yaşlı İngiltərə vətəndaşı olan qadın Ayan Mohomed Dhobanın üzərində zorakılıq izləri olan meyiti tapılıb.
Kamera görüntülərinə baxış nəticəsində qadının əri 28 yaşlı Ahmed Y.M. saxlanılıb. O, ifadəsində vintaçanla arvadının boğazını kəsərək onu öldürdüyünü etiraf edib. Şübhəlinin sözlərinə görə, arvadı ona narkotik maddə təklif edib. Lakin Ahmed bunu rədd edib və aralarında münaqişə yaşanıb. Bu zaman kişi özündən çıxaraq arvadını vintaçanla öldürüb. Daha sonra aləti tualetdə gizlədib.
Hazırda faktla bağlı araşdırma aparılır.
