Üç il əvvəl Qarabağda çoxlu dağıdılmış yerlər var idi, amma indi abadlaşıb.
Bunu "Report"a açıqlamasında Gənclərinin VII Yay Düşərgəsinin iştirakçısı Yusif Nəcəfli deyib.
O bildirib ki, 6 yaşında valideynləri ilə birgə Kanadaya köçüb: "Hazırda orda yaşayır və təhsil alıram. Çox adam məni kanadlı bilsə də, 100% azərbaycanlıyam. Üç il öncə Qarabağa səfərimlə indiki arasında çox fərq var. Yadımdadır ki, o vaxtlar çoxlu dağıdılmış yerlər var idi, amma indi vəziyyət dəyişib, abadlaşıb".
İştirakçı vurğulayıb ki, düşərgədən gözləntisi Azərbaycan haqqında daha çox məlumat əldə etmək və Azərbaycan dilini daha yaxşı öyrənməkdir: "Həmçinin azərbaycanlı dostlar qazanmaq, ölkənin mədəniyyətini və tarixini daha yaxından tanımaq istəyirəm".
Mənbə: report.az