Avstraliya futbolu Tim Kehill, Mark Viduka və Harri Kyuell kimi adların izini hələ də daşıyır. Bu futbolçular butslarını çoxdan çıxarsalar da, onların mirası Avstraliya meydanlarında hiss olunur.
Lent.az xarici KİV-əistinadən xəbər verir ki, XXI əsrdə Avstraliya həm Asiya, həm də Okeaniya futbolunun ən uğurlu komandalarından biri kimi tanınıb.
“Socceroos” ləqəbli Avstraliya millisi bu dəfə qarşısına daha böyük hədəf qoyub. Komanda ardıcıl ikinci mundialda pley-off mərhələsinə yüksəlmək istəyir. Gənc istedadlar və təcrübəli oyunçuların qarışığından ibarət heyət Avstraliyanı turnirin həlledici mərhələləri uğrunda mübarizəyə hazır göstərir.
D qrupunda yer alan Avstraliya ideal komanda olmasa da, xüsusilə hücum xəttində maraqlı potensiala malikdir. Komanda bunu qrupdakı ilk oyununda Türkiyəyə 2:0 hesabı ilə qalib gəlməklə göstərib. Bu matçda Avstraliya futboluna xas sürət, dinamika və yaradıcılıq ön plana çıxıb.
Avstraliyanın 2026 Dünya Kuboku heyəti
Avstraliya Şimali Amerikada keçirilən builki Dünya Kuboku üçün 26 nəfərlik heyət açıqlayıb. Heyətdə Kiprdən tutmuş Avstraliyanın “Melbourne City” klubuna qədər müxtəlif ölkə və çempionatlarda çıxış edən futbolçular var. Oyunçuların milli komandadakı oyun sayı və statistikası 1 iyun tarixinə olan məlumatlara əsaslanır.
Qapıçılar:
Mathew Ryan — Levante UD, İspaniya La Liqası, 34 yaş, 104 oyun
Paul Izzo — Randers FC, Danimarka Superliqası, 31 yaş, 4 oyun
Patrick Beach — Melbourne City, Avstraliya A-Liqası, 22 yaş, 1 oyun
Müdafiəçilər:
Aziz Behich — Melbourne City, Avstraliya A-Liqası, 35 yaş, 83 oyun
Jordan Bos — Feyenoord, Niderland Eredivisie, 22 yaş, 3 oyun
Cameron Burgess — Swansea City, İngiltərə Championship, 30 yaş, 26 oyun
Alessandro Circati — Parma, İtaliya A Seriyası, 22 yaş, 12 oyun
Milos Degenek — APOEL FC, Kipr Birinci Divizionu, 32 yaş, 56 oyun
Jason Geria — Albirex Niigata, Yaponiya J-Liqası, 33 yaş, 13 oyun
Lucas Herrington — Colorado Rapids, ABŞ MLS, 18 yaş, 3 oyun
Jacob Italiano — Grazer AK, Avstriya Bundesliqası, 24 yaş, 4 oyun
Harry Souttar — Leicester City, İngiltərə Championship, 27 yaş, 37 oyun
Kai Trewin — New York City, ABŞ MLS, 25 yaş, 5 oyun
Yarımmüdafiəçilər:
Cameron Devlin — Hearts, Şotlandiya Premyer Liqası, 27 yaş, 4 oyun
Ajdin Hrustic — Heracles Almelo, Niderland Eredivisie, 29 yaş, 37 oyun
Jackson Irvine — St. Pauli, Almaniya Bundesliqası, 33 yaş, 81 oyun
Connor Metcalfe — St. Pauli, Almaniya Bundesliqası, 26 yaş, 35 oyun
Paul Okon-Engstler — Sydney FC, Avstraliya A-Liqası, 21 yaş, 5 oyun
Aidan O'Neill — New York City, ABŞ MLS, 27 yaş, 30 oyun
Hücumçular:
Nestory Irankunda — Watford, İngiltərə Championship, 20 yaş, 14 oyun
Mathew Leckie — Melbourne City, Avstraliya A-Liqası, 35 yaş, 80 oyun
Awer Mabil — CD Castellon, İspaniya Segunda, 30 yaş, 38 oyun
Mohamed Toure — Norwich City, İngiltərə Championship, 22 yaş, 9 oyun
Nishan Velupillay — Melbourne Victory, Avstraliya A-Liqası, 25 yaş, 7 oyun
Cristian Volpato — Sassuolo, İtaliya A Seriyası, 22 yaş, 0 oyun
Tete Yengi — Machida Zelvia, Yaponiya J-Liqası, 25 yaş, 0 oyun
Dünya Kubokunda izləniləcək avstraliyalılar
Avstraliya millisində diqqət çəkən bir neçə gənc oyunçu var. Onlardan biri Nestory Irankundadır. 20 yaşlı futbolçu “Watford”dakı çıxışları ilə müsbət rəylər alıb və artıq böyük gələcək vəd edən adlardan sayılır. O, Avstraliyanın Türkiyə üzərində 2:0 hesablı qələbəsində də fərqlənib.
Hücum xəttində digər maraqlı futbolçu Mohamed Touredir. “Norwich City”nin cinah oyunçusu 2026-cı ilin fevralında komandaya qoşulduqdan sonra Championship-də 11 oyuna 9 qol vurub. Bu göstərici onun Avstraliya millisinin hücum potensialı üçün nə qədər önəmli ola biləcəyini göstərir.
Cristian Volpato da heyətə daxil edilib. O, İtaliyanın “Sassuolo” klubunda özünü göstərib. Volpato sürəti və dinamikası ilə onsuz da hərəkətli görünən Avstraliya hücum xəttinə əlavə güc qatmağa çalışacaq.
Komandanın kapitanı Mathew Ryan isə uzun illərdir Avropada çıxış edir. O, karyerası ərzində “Club Brugge”, “Valencia”, “Brighton & Hove Albion”, “Arsenal”, “Lens” və son olaraq “Levante” kimi klubların formasını geyinib.
Avstraliya heyətində diqqət çəkən digər futbolçular arasında “St. Pauli”də çıxış edən Jackson Irvine və Connor Metcalfe, həmçinin “Leicester City”nin iri cüssəli müdafiəçisi Harry Souttar da var.
Avstraliya millisinin baş məşqçisi kimdir?
2026 Dünya Kubokunda Avstraliya millisinə ölkə futbolunun tanınmış simalarından Toni Popoviç rəhbərlik edir. Sidney doğumlu mütəxəssis futbolçu kimi həm klub, həm də milli komanda səviyyəsində çıxış edib. O, 2000-ci illərin əvvəllərində “Crystal Palace”da 100-dən çox oyun keçirib.
Popoviç Avstraliya millisinin də önəmli üzvlərindən biri olub. O, 1995–2006-cı illər arasında yığmada 58 oyuna çıxıb.
2008-ci ildə futbolçu karyerasını başa vuran Popoviç daha sonra məşqçiliyə başlayıb. 2012-ci ilin mayında “Western Sydney Wanderers” klubunun baş məşqçisi təyin olunub. O, ilk mövsümündə komandanı A-Liqada çempionluğa daşıyıb.
Popoviçin ən böyük uğurlarından biri isə “Western Sydney Wanderers”lə AFC Çempionlar Liqasını qazanması olub. Komanda finalda Səudiyyə Ərəbistanının “Al-Hilal” klubunu məğlub edib.
Sonrakı illərdə Popoviç “Karabükspor”, “Perth Glory”, “Xanthi” və “Melbourne Victory”də çalışıb. 2024-cü ilin sentyabrında isə Avstraliya millisinin baş məşqçisi postuna gətirilib.
Onun rəhbərliyi altında “Socceroos” uğurlu nəticələr göstərib. Avstraliya millisi Popoviçin dönəmində 19 oyunda 11 qələbə, 4 heç-heçə və 4 məğlubiyyət əldə edib. Bu nəticələr komandanı Asiyanın ən güclü yığmalarından biri kimi möhkəmləndirib.
Avstraliyanın Dünya Kuboku tarixi
Avstraliya millisi Asiya futbolunun ən tanınmış komandalarından biridir. Komanda tarixində 7 dəfə Dünya Kubokunda iştirak edib.
Avstraliya əvvəllər Okeaniya Futbol Konfederasiyasının üzvü olub. Komanda ilk dəfə 1974-cü ildə Dünya Kubokunda çıxış edib. “Socceroos”un mundial tarixində ən yaxşı nəticəsi 2006 və 2022-ci illərdə 1/8 final mərhələsinə yüksəlməsi olub.
Avstraliya millisi Avstraliya futbolu Socceroos Dünya Kuboku 2026 Avstraliya heyəti Toni Popoviç Mathew Ryan Nestory Irankunda Mohamed Toure D qrupu ABŞ Avstraliya Paraqvay Avstraliya futbol xəbərləriMənbə: lent.az