İngiltərənin Şərqi Susseks qraflığında çox maraqlı yer var. Ora "Vudinqdin quyusu" adlanır. Hidravlik qurğu "Nuffild" tibb müəssisəsinin həyətində yerləşir.
Lent.az xarici KİV-ə istinadən xəbər verir ki, quyunun dərinliyi 391,6 metrdir.
Dünyada əllə qazılan bu qədər dərin başqa quyu yoxdur.
Vudinqdin quyunun tarixi
Quyunun tikintisinə 1858-ci ildə işxanada yaşayan insanları su ilə təmin etmək üçün başlanılıb. Qurumun rəhbərliyi su təchizatı sistemi çəkməmək qərarına gəlib: onlara iqtisadi baxımdan bu, sərfəli görünməyib. Lakin sonradan məlum olub ki, quyu qazmağa başlamaq ideyası heç də yaxşı deyil.
Qazma çox uzun müddət davam edib və işçilər hələ də qrunt sularına gedə bilməyiblər. İstənilən nəticəni yalnız 1862-ci ildə əldə etmək mümkün olub. Bununla da, quyunun dərinliyi 390 metri ötüb.
Təəssüf ki, yaradılması çox vaxt və səy tələb edən quyu artıq 1866-cı ildə istifadəni dayandırıb: su təchizatına keçid etmək qərara alınıb. Bununla belə, "Woodingdean Well" unudulmayıb. Ginnesin Rekordlar Kitabında ən dərin əllə qazılmış quyu kimi qeyd olunub.