Bakıda tibb müəssisələrinə gələnlər üçün əlavə şəraitin yaradılması istiqamətində işlər davam etdirilir.
Azərbaycan Yerüstü Nəqliyyat Agentliyindən Lent.az-a bildirilib ki, daha 7 ünvanda parklanma yerlərinin bir hissəsi ləğv olunaraq “5.14” – “minik taksilərinin duracaq yeri” və 3.28” – “durmaq qadağandır” yol nişanları quraşdırılmaqla minib-düşmə yerləri təşkil edilib.
Minib-düşmə yerlərinin təşkil olunduğu ünvanlar aşağıdakılardır:
- Məzahir Rüstəmov küçəsi, 7 nömrəli şəhər poliklinikasının, - Lermontov küçəsi, 22 nömrəli şəhər poliklinikasının, - Abay Kunanbayev və Süleyman Sani Axundov küçələrinin kəsişməsi, 25 nömrəli şəhər poliklinikasının, - Məmmədəli Şərifli küçəsi, 4 nömrəli Vərəm Əleyhinə Dispanserin, - Əhməd Cavad küçəsi, Respublika Kliniki Uroloji Xəstəxasının, - Əcəmi Naxçıvani küçəsi, “Medera Hospital”ın, - Natiq Əhmədov küçəsi, “Məlhəm Beynəlxalq Hospitalı”nın yanında müvafiq nişanlar yerləşdirilməklə sərnişinlərin taksi və fərdi nəqliyyat vasitələrinə rahat minib-düşməsi təmin edilib.
Beləliklə, bu günədək paytaxtın 20 ünvanında yerləşən tibb və sosial xidmət müəssisələrinin qarşılarında minib-düşmə yeri və taksilərin sərnişinləri düşürmələri üçün imkan yaradılıb.
sosial xəbərlər AYNA taksi cərimə Bakının yolları
Mənbə: lent.az